Hoxe en día, o mercado é infiel aos produtos e servizos de toda a vida. O consumidor actual é moi diferente ao antigo, moito máis esixente, xa sexa polo crecemento da competencia, a gran variedade de produtos (ou servizos), ou os procesos de fidelización que ten cada marca. Deste xeito nace a idea de brindar experiencias aos consumidores como un xeito de fidelizar ao usuario.
Trátase de experiencias que fagan que se apaixonen co produto, a marca e a empresa, experiencias memorables para os clientes que serán as que lles fagan falar positivamente de nós e que os consumidores propaguen a mensaxe aos seus achegados.
